Купалаў фэст “Беларусь – маё сэрца, залатая краіна” – 14 ліпеня
14 ліпеня парафія Найсвяцейшай Тройцы ў Радашкавічах і Дзяржаўны літаратурны музей Янкі Купалы шчыра запрашаюць у Радашкавічы ўсіх, хто любіць і шануе песняра Беларусі.
Янка Купала нарадзіўся ў далёкім 1882 годзе ў Вязынцы, быў ахрышчаны ў касцёле старадаўняга мястэчка Радашкавічы і атрымаў імя ў гонар найвялікшага прарока хрысціянства.
Паэтычныя і публіцыстычныя радкі Янкі Купалы жывілі ідэю беларускай дзяржаўнасці, што паўставала 100 гадоў таму ва ўмовах глабальных сацыяльных змен. Тады беларусы, як і многія народы Еўропы, імкнуліся заняць “свой пачэсны пасад між народамі”. Дзеля гэтай мэты працавалі дзеячы беларускага руху незалежна ад сваіх палітычных поглядаў. І кожны з іх мог шчыра паўтарыць словы Янкі Купалы: “Беларусь – маё сэрца, залатая краіна”.
Сёлета ў праграме фэсту:
- 10.00 – Святая Імша ў касцёле Найсвяцейшай Тройцы
- Ігнат Данько “Мая малітва” пад гукі старадаўняга аргана
- 11.20 – «Чытаем Купалу разам»: чытанне ўсімі жадаючымі рэлігійных і патрыятычных вершаў Янкі Купалы
- 12.20 – перапынак на гарбатку
- 12. 45 – канцэртная праграма: Алеся Сівохіна і Алесь Камоцкі
- 13.45 – MölkKUPALA – турнір па гульні мёльккю
- 14.45 – малітва на завяршэнне ў касцёле
Інфармацыйныя партнёры фэсту – партал Catholic.by і “Радыё Марыя”.
Месца правядзення: Касцёл Найсвяцейшай Тройцы, Радашкавічы, вул. Бурдзенюка, 2