Год малой родины в Беларуси
11 июня, 2020
Елена Стельмах чтение Короткевича

Анлайн-чытанне рамана Уладзіміра Караткевіча “Каласы пад сярпом тваім” прайшло ў Дзяржаўным музеі гісторыі беларускай літаратуры ў Мінску. Да агучвання старонак знакамітага рамана далучыліся артысты, культурныя і грамадскія дзеячы, журналісты, бізнесоўцы.

На працягу двух тыдняў ажывалі вобразы і героі мінуўшчыны, аднаўляліся тагачасныя падзеі – гістарычны раман Уладзіміра Караткевіча захапіў многіх яшчэ ў школьныя гады, і зараз ад таго ён стаў не менш захапляльным. Такія творы варта перачытваць, каб зразумець іх глыбіню і значнасць у фарміраванні нацыянальнай свядомасці беларусаў.

Алена Стэльмах, першы намеснік старшыні Саюза пісьменнікаў Беларусі:

Мне было вельмі прыемна аказацца ў ліку чытальнікаў любімага твора. Апошнія главы рамана, якія давялося агучваць, напоўнены драматызмам, як і ўвесь раман чытаецца на вельмі высокай ноце.

І ў той жа час, на прыканцы аповеда Алесь Загорскі дорыць надзею, што ўсе страты недарэмныя. Цвёрдая воля і ўпартасць зробяць народ шчаслівым.

Уладзімір Караткевіч “Каласы пад сярпом тваім”. Фінал рамана:

Корчак вядзе незадаволеных сялян шукаць у царкве «сапраўдную» царскую грамату. Загорскі, калі даведаўся пра гэта, скача спыніць несвоечасовы бунт. Ён спазніўся. Калі прыскакаў у Гарыпяцічы, ля царквы і на вуліцы ляжалі забітыя і параненыя. Загорскі загадвае знесці ўсіх у прастарнейшую хату, аказвае параненым, сялянам і людзям Корчака, медыцынскую дапамогу.

Алесю пагражае спачатку Корчак, потым Мусатаў. Аднак Загорскі вывеў з-пад удару людзей. Ён едзе дамоў, пад «хатні арышт», які, трывожачыся за князя, наклаў на яго Ісленьеў.

Пакуль спее паўстанне, Алесь Загорскі вылівае свае думкі пра волю і шчасце народа вершамі.

Добавить комментарий

Этот сайт использует Akismet для борьбы со спамом. Узнайте как обрабатываются ваши данные комментариев.