Год малой родины в Беларуси
3 марта, 2020
Прэзентацыя праекта Бачу Беларусь такой у Слуцку

Праект “Бачу Беларусь такой” яго аўтары Алена Стэльмах і Уладзіслаў Цыдзік прэзентавалі ў Слуцку.

Месцам адкрыцця фотавыстаўкі стала мастацкая галерэя ў раённай бібліятэцы, а прэзентацыя выданняў “Беларуссю зачараваны”, “Бачу Беларусь такой”, “Мая Радзіма” адбылася ў вялікай чытацкай зале бібліятэкі.

Аўтары расказвалі пра сваю творчасць, пра тое, што іх натхняе, уражвае, накіроўвае ствараць рознапланавыя творы, прысвечаныя адвечнай тэме Радзімазнаўства.

Са сваім праектам апантаныя творцы пазнаёмілі гледачоў, чытачоў на многіх сталічных пляцоўках, пабывалі з прыгожымі фотавыстаўкамі і цікавымі кнігамі ў розных кутках Беларусі.

— Слуцк – адна са знакамітых кропак на карце Беларусі. Нас вабіць гістарычнае мінулае тутэйшых мясцін, іх дзіўныя краявіды, — кажуць Алена Стэльмах і Уладзіслаў Цыдзік. – Хацелася пабываць тут, разам са случчанамі нагадаць пра важнасць любові да Радзімы, адчуць прыцягненне родных вытокаў.

Падчас вельмі цёплай сустрэчы таксама гучалі песні пра Радзіму, якія выконвала спявачка і музыка з Фаніпаля Тамара Кашчэва.

Таксама: http://www.sluck.mlyn.by/2020/02/tvorcheskij-proekt-bachu-belarus-takoj-prezentovali-v-slutske/

Добавить комментарий

Этот сайт использует Akismet для борьбы со спамом. Узнайте как обрабатываются ваши данные комментариев.