Сябруюць з беларускай кнігай дзеці ў інтэрнэце

У прэс-цэнтры Дома прэсы ў Мінску абмеркавалі тэму дзіцячага чытання ў інтэрнет-прасторы. 

 

Выдавецтвы «Беларуская энцыклапедыя імя П. Броўкі», «Народная асвета»  прадставілі шэраг праектаў, якія ахопліваюць шырокую аудыторыю з тым, каб прыцягнуць увагу да кнігі, заахвоціць чытаннем. У такім жа напрамку актыўна рухаюцца і бібліятэкі, ствараючы  па творах  буктрэйлеры, спектаклі, праводзячы анлайн-чытанні дзіцячых кніг.

Саюз пісьменнікаў Беларусі праводзіць каля 18-20 тысяч сустрэч з рознымі катэгорыямі чытачоў у год, у значнай ступені — з дзецьмі. Жывыя зносіны маюць вялікую каштоўнасць, але і віртуальныя стасункі маюць добры плён.

Галоўнае — кніга рупліва шукае свайго чытача, і, па ўсім відаць, ён да яе ахвочы.